我相信人生總有好幾個轉捩點，能夠一生順風順水也不是好事，多幾個難關要闖也不見得壞．
11月10日,不分日夜趕工完成動畫,我敢話自己未有如此集中做好一件事,曾經年頭許下承諾誓要做到,係覺得是時候為自己事業生涯添多一點顏色定還是證明自己也有努力過就不得而知.
將要遞交作品一刻,收到細佬電話,得知老豆入左醫院,證實係血糖過高上腦.
將近呼出那啖氣又要吸番,我個腦即時諗左好多好多野,做左好多打算,或者我份人就係咁,鐘意將事情諗到最壞好讓自己好過一點.
去到醫院一刻,我見我姑媽滿有淚光,媽咪坐在走廊一角,阿媽將之前電話中交代既事因一五一十重覆講俾我聽,當時我真冇預見情況去到咁壞.
直至入去見我老豆,全身俾人挷起,滿口不斷要求我放他走,又說好辛苦,我知道個時佢已經唔認得我,明知聽唔入耳的說話都要講晒出黎,好難受,返出去之前,我跟細佬一齊洗手消毒,見他已經忍唔住想喊,我眼淚早已經流下來,回想起我已經好幾年冇大灑淚水,出黎我淨係識同媽咪講,老豆好辛苦....
