Linda Linda Linda

我自己幾喜愛呢類勵志電影，睇得好舒服，故事講高校生活接近尾聲，眾學生都想係最後一次學園祭留番美好回憶，四位主角決意組band表演，導演輕描淡寫故事發展，由五音不全至大家一鼓作氣，一直都持著不要想只去做既精神，電影相對以住其他同類電影少左一份造作，聽住裴斗娜"講"出電影歌曲，整體觀感覺得清爽寫實．

門小雷的啟發

夜啦，遲下再講．
睇過門小雷私人畫薄，我覺得自己已經浪費了整整數十年青春淨係得個諗字，好大勇氣去學她動筆起來畫！！
http://blog.sina.com.cn/u/4931ead8010004sl
門小雷BLOG
http://blog.blogwhy.com/thunderlittle/

林祥焜

揭開我份生日禮物，林祥焜最新畫集＜Goodgirl＞，全是98-06年林祥焜所畫既女性插畫．
其實我對佢既插畫並非十分喜愛，但不得不承認林祥焜畫女性胴體確有一手，流暢線條筆觸，自然性感美態帶點意淫，但絕不馬虎，就連紋身般細緻地方都好講究，正如林祥焜所講，要是畫得好女性插圖，就要欣賞懂得女性的各方面．
我認識朋友中，wilson算是畫女性插畫能手，由他作品看上我開始欣賞女性插畫，要畫得好並非容易之事．
再講林祥焜，係我近期較欣賞artist之一，出唱片開show,跟想貓的魚合作做動畫mv，跟 Gardentoyzbook Ltd出畫集，再加上之前設計figure，創作範疇包括漫畫、音樂、插圖、玩具，作品中加入rockband文化完素，見他如此有生命力在創作行業打滾，又俾到我一點力量向上爬．

21歲第一個美好回憶

好感謝呢幾日各位跟我慶祝，講過生日快樂既朋友

我唔識講說話,總之一切記在心中

Death Note 死亡筆記

冇睇原著漫畫既我，對呢套電影感覺頗新鮮，開段好悶沉，一直講夜神月殺人行為，劇情毫無推進，到了Ｌ出現故事算有番氣色，鬥智場面講不及精彩，但可接受，反而我不太喜歡每次作案後都會有新既規條出現解釋，有點馬後炮感覺．
失望係電影本身不好利用改寫死亡時序既題材，深入探討種種罪與罰觀念反思，寧願集中環繞夜神月同Ｌ捉迷藏遊戲，連角色刻劃都無，說服力欠奉．．．

Keren Ann

Keren And Nolita











認識Keren Ann時間不長，一次係阿麥書房聽到佢新碟首Midi Dans Le Salon De La Duchesse，風格化音樂令我不消一刻買左，一位法國女歌手穿梭巴黎New York兩大城市,將感覺投入歌曲上．透過她懶洋的聲線，唱出別有韻味，聽著她的音樂，似有投入一個寂靜城市，泡著淡茶望著城市開始入夜的感覺．

La disparition












Not going anywhere












之後係佢網頁聽到佢舊歌覺得仲有味道 ，忍唔住買埋，我自己較喜歡not going anywhere

官方網頁：http://www.kerenann.com/

Penpusher

尋晚睇柏林國際電影節2006至強短片選，短片中有套法國作品＜Penpusher＞，故事講述男女主角地鐵中相識過程，各自透過小說劃上不同文字表達心意，橋段新鮮，兩支筆的功用原來更勝用口講出來，有感無奈係現實生活人言可畏，想講未必可以講出來，於是有書寫至依家網絡途徑表達，自有千言萬語才能講出心意，依家只用圖案已交代一切，溝通方便了是好定壞，到了簡化至不能作完全解釋時候，我們會否回復舊有基本溝通方式呢？

醉藍

一天的工作又完了，疲倦拖著皮囊回家
仰望一片醉藍無雲夜空，這種藍俾人一種寂靜，舒服感覺

瘋狂的石頭 CrazyStone

瘋狂的石頭 CrazyStone

可能係今年中國最賣座喜劇，本以為又是中國人最愛幽默式喜劇種類，一睇之下遠比我如期好笑瘋狂，再不是仍有共產意識的國產電影．
偷龍轉鳳的故事,引發不同枝節,三路人馬為著一塊翡翠,面對簡陋保安都可弄得一團糟,當中不忘加諷一番.
首讚一定是如此精密計算既劇本，十足Low-tech暗戰版如此緊湊,一個個錯綜巧合撞擊出來化學反應.導演寧浩本為新人小試牛刀,有著劉德華打本拍戲機會,毫不留情瘋狂去拍,戲中流暢分場鏡頭,同一場面身份切換交代,都叫人拍案叫絕.

體重測量儀

不知其正統名稱
以前戲院，酒樓常見，只要入一蚊落去，不消一分鐘，'架'一聲，飛仔就會趺出黎，上面印有你幾重．
記得細路仔時候，跟阿媽去飲茶就會見，見一次玩一次，可惜個陣冇認真儲過．時至今日，香港愈來愈少見到，剛好跟朋友經過發現一部，找過懷念都好，一見張飛已經不似以前模樣，上面只印有一個number126,概嘆不是重量不對,而係有些東西就算俾你搵得番,總跟以往不同.

靈．靜

阿爾瓦．諾托與板本龍一

http://www.icm.gov.mo/fimm/PrgDC.asp?id=591

估唔到有機會一睹配樂教父板本龍一 演出

Hell (中譯：情獄)

Hell (中譯：情獄)

講到尾，呢套跟奇斯洛夫斯基的關係不足為談，有的是奇氏概念存在，同埋後世對奇氏的致敬．
早前影展上睇過大部份奇斯洛夫斯基電影，情獄確有致敬的地方，我自己就覺略為過於側重．

故事幾平淡，三線發展都不算突出，導演技法盡見都不能遮掩不足，配樂本身好聽但運用不好，加上對顏色表達流於表面更覺平俗，見最後結局阿媽寫個句”我不後悔所做的任何事”，感覺相當悲涼．

The Host (中譯：韓流怪嚇)

The Host (中譯：韓流怪嚇)

是日Summer pops電影節2006第一套睇既電影，明知會上正場都肯付出金錢一看，就只為等待女主角裴斗娜親身一到，最後得到既係...女主角取消行程，連導演也要下場放映出現，睇完先知，嘆息無奈．

回顧導演舊作＜殺人回憶＞＜綁架門口狗＞，係有水準作品，善於以技法營造驚喜，總有意想不到的情節出現，而且選取角度都以小人物出發，角色往往是平凡人物，多類型戲種融合下，有著非一般主流模式．
黎到呢套，有充裕資金拍一部怪獸片，但想頭並非如此大，棄用大片模式，繼續小品格局，宋康昊聯同一家人想盡辦法拯救女兒，要講並非怪獸可怕，反而寫人性更為恐怖，所謂病毒恐慌，社會現實，各懷私心，通通導演都要諷刺一番，黑色幽默比前兩套運用得更為成熟，可以前一分鐘感動後一分鐘會心微笑，連作觀眾的我都要跟著導演尾巴走，較為新鮮既娛樂片，開始見韓國電影又有番氣色．

重拾

一按delete,刪除了舊blog,之前留下文字瞬間蒸發,那種脫胎換骨感覺好比一直存有的空虛,
不想見到發莓的東西,要重拾寫作心情,在我老人痴呆還未病發之前,記錄一段段我周遭擦過的東西.