集體回憶－曾灶財

細過時候家位九龍，跟住阿媽行街買野總有機會望到曾灶財字跡．．．
九七之後,有一年街頭文化突然湧現,LMF的出現,X-GAME興起,就連塗鴉文化亦變得活躍起來，四處盡見色彩斑斕既塗鴉文字，唯獨有人仍享受用筆墨寫盡九龍各處地方，那時先開始有人視曾灶財筆墨為一種塗鴉文化，時至今日，曾灶財不止成為香港塗鴉文化始祖，亦係香港地方文化其中一位重要人物．

每當想起要做香港特色，我不諱其想曾灶財一手字跡，那種不經隨意而堆砌工整的字型，壓身大隻的”國皇”，九龍皇帝已經成為他本人獨享稱呼． 就算不明白字裡間所謂宣示主權，他堅持非法街上寫字的行為，就屬於街頭文化普遍精神，為的是展現公開藝術，有人稱這是破壞一種，但我相信都不及政府拆卸遺跡，不顧環境需要大興土木的破壞來得大.

可能在曾生眼中，從來不覺自己創作了一種藝術；不是為藝術而做的心態，又有幾多人可以做到?

動畫 - I Lived On The Moon

導演Yannick Puig為歌手Kwoon製作既mtv,素淡色調,3D人物加上2D畫風背景,充滿奇幻影片風格.

導演網頁:
http://www.yanim.net

是日搬遷

我需要既係咩工作環境...
就係一字記之曰....亂

部電腦移過書枱後,係就係亂過以前,不過要工作時候就手得多

夏

今年夏天,晴朗日子特別多,溫度特別高.
天氣要熱起來,好快就成一條大懶蛇,不願做甚麼.
城市太細,人太多,侷促環境真令人透不過氣來. 這個時候喜歡一個人獨處.
珍惜這個夏天,也有幾多日子可以如此.

那一種生活享受

每個人享受生活方式都好唔同

星期六由九點開始,係公司開始睇live earth,返到屋企又睇,睇下睇下,睇到madonna出場已經係星期日朝早六點鐘,能夠睇到live show,好興奮.瞓左幾粒鐘,起身出街睇戲,搭車途中一路聽住linkin park,去到海運搵到間新開漢堡包店,外賣之後走到出去走廊位置食,好天之下望住維港,聽住大塚愛既smily,影下相咁...

有時會覺得咁樣已經係一種生活享受,無枸無束,不用理會周遭東西,覺得舒服就盡量享受,並不是物質追求,只需要一點時間空間俾自己就好了.

Speed Painting - BIG TREE

短片過後淨低時間太少,作為第二部動畫又唔想再咁馬虎,最終都係放棄個比賽,換來更多時間去做製作,動畫暫定叫"the station".
用左２個鐘畫左其中一幕既concept art,棵樹畫畫下就覺得好似我晚餐中個舊西蘭花.... 西蘭樹,又名冬菇雲.