好耐未如此hea hea hea

12月24平安夜跟一大班好友食飯慶祝,仲影左張究極恐怖之人頭貼紙相~~
12月25由於前一晚已經玩到4點半回家,6點半先瞓,整日基本上冇咩活動
12月26一家人行下街,悠閒一天

感覺已有半年冇如此hea過,自動畫工程開始後,老豆出事,到依家老豆終於出院休息,面對每一件事都不敢放慢半步,時間似箭飛過.如今咩都唔想唔做,hea下hea下過呢3日假期,可能就係聖誕最大禮物.

陽光

12月11日,今日老豆轉去腎科病房,7日前,老豆開始自己排尿,已經可以暫停20日洗血日子,雖然腎方面仍未好轉,但已經教人安慰,3日前更發現病菌來源,可以對症下藥,昨日老豆不止精神不少,還可以講說話,真係安心好多,之前擔心憂心一掃而空,再不回望一個月前的日子,向前望將來的事.
一個月來得到各方好友支持,好多謝大家既關心!!

時間

12月2日,老豆下午要係喉嚨開個小洞幫助呼吸,由出事至今已有二十二日之多,日子慢慢流逝,老豆情況仍未大有改善,每日收工就會趕來探望,每次只能企開一段距離望向老豆睡覺樣子,或者行近少少叫佢振作,有時他聽到就會做出身體動作回應,看血壓,問姑娘,洗手,按對講機,帶口罩...這些都令我開始感覺是自己生活一部份,手心一陣消毒藥水,鼻子仍然嗅到口罩味兒,走過的路,步伐都是一樣.

時間,對我已經模糊,嘗試找尋昔日生活味道,彌補時間的空隙
一切環境,不再阻生.